ناعمہ رشید ایک مصنفہ، شاعرہ اور مترجم ہیں جن کا ادبی کام چار زبانوں اُردُو، پنجابی، فرانسیسی اور انگریزی پر مشتمل ہے۔ ان کی تحریروں کو نیشنل پوئٹری کمپی ٹیشن (National Poetry Competition) اور بیسٹ اسمال فکشنز (Best Small Fictions) کے لیے نامزد (لانگ لسٹ) کیا جا چکاہے۔ ان کے شائع شدہ تراجم میں علی اکبر ناطق کا ناول "نولکھی کوٹھی" (پنگوئن انڈیا، ۲۰۲۳ء) اور پروین شاکر کا منتخب کلام "ڈیفائنس آف دی روز" (Defiance of the Rose) (آکسفورڈ یونی ورسٹی پریس، ۲۰۱۹ء) شامل ہیں۔ ناعمہ رشید ایک فرانسیسی کتاب "شیکین" (Chicanes) (لے فیوجیٹو Les Fugitives، ۲۰۲۳ء) پر بحیثیت شراکتی مترجم بھی کام کر چکی ہیں۔ اُن کا کام وائلڈ کورٹ (Wild Court)، پوئٹری برمنگھم (Poetry Birmingham)، دی اسکورز (The Scores) اور اے سمپٹوٹ (Asymptote) سمیت کئی معروف بین الاقوامی ادبی رسائل و جرائد میں شائع ہوچکا ہے۔ حالیہ طور پر وہ اپنے افسانوں کے مجموعے اور ناول پر کام کر رہی ہیں۔